Вохурии маҷозии Раиси Раёсати БДА ҶТ “Амонатбонк” бо коршиноси мустақили Фонди хазинаҳои амонатгузорӣ оид ба ҳамкориҳои байналмилалии Олмон дар Тоҷикистон (Sparkassenstiftug)
Санаи 9 декабри соли ҷорӣ вохурии маҷозии Раиси Раёсати БДА ҶТ «Амонатбонк», муҳтарам Икромӣ С.С. бо коршиноси мустақили Фонди хазинаҳои амонатгузорӣ оид ба ҳамкориҳои байналмилалии Олмон дар Тоҷикистон (Sparkassenstiftug), Ирина Хетч баргузор гардид.
Дар ҷараёни суҳбат тарафҳо чиҳати баҳодиҳии самараноки иҷроиши чорабиниҳо вобаста ба Барномаи минтақавии «Мусоидат ба рушди деҳот ва дастгирии соҳибкории хурду миёна дар ҷумҳуриҳои Қирғизистон, Тоҷикистон ва Туркманистон»-ро баррасӣ намуданд.
Бояд қайд кард, ки тибқи Барномаи минтақавии «Мусоидат ба рушди деҳот ва дастгирии соҳибкории хурду миёна дар ҷумҳуриҳои Қирғизистон, Тоҷикистон ва Туркманистон», Бонки давлатии амонатгузории Ҷумҳурии Тоҷикистон «Амонатбонк» бо Фонди хазинаҳои амонатгузорӣ оид ба ҳамкориҳои байналмилалии Олмон дар Тоҷикистон (Sparkassenstiftug) ҳамкориҳои судманди дуҷониба оғоз гардидаанд.
Маврид ба зикр аст, ки тибқи Барномаи Фонди хазинаҳои амонатгузорӣ оид ба ҳамкориҳои байналмилалии Олмон (Sparkassenstiftug) 4 минтақаи пилотӣ аз ҷумла, ш. Ҳисор, ш.Кўлоб, ш.Бохтар ва ноҳияи Б.Ғафуров интихоб карда шуданд. Дар ин минтақаҳо аз ҷониби тренерони Фонд, ки аз марказҳои омўзишии калонсолони назди Вазорати меҳнат, муҳоҷират ва шуғли аҳолӣ ҷалб гардидаанд, ҷиҳати омўзиши аҳолӣ дар самти маърифатнокии молиявӣ ва пешбурди соҳибкорӣ тренингҳо ташкил мегарданд.
Хамчунин, бояд қайд кард, ки аз ҷониби тренерони Фонди хазинаҳои амонатгузорӣ оид ба ҳамкориҳои байналмилалии Олмон (Sparkassenstiftug) Вернер Тум ва Михаель Майнике барои кормандони воҳидхои сохтории дастгоҳи марказии Раёсати Амонатбонк онлайн –коучингҳо дар мавзўҳои «Оптимизатсияи ҷараёни қарздиҳӣ ва баҳодиҳии қарзадокунии мизоҷ» ва «Ояндабинӣ ва баҳодиҳии бизнеси хурд ва миёна» гузаронида шуд.
